Free Hosting

Free Web Hosting with PHP, MySQL, Apache, FTP and more.
Get your Free SubDOMAIN you.6te.net or you.eu5.org or...
Create your account NOW at http://www.freewebhostingarea.com.

Cheap Domains

Cheap Domains
starting at $2.99/year

check
logo
 Naves de Llanes (Asturies)    La Páxina de Naves 
gulpiyuri
Gulpiyuri
Llocalización:
La sablera Gulpiyuri allúgase al norte del pueblu de Naves, nel conceyu de Llanes, ente la Punta Rocinera y Castru Molina, cerca de les playes de Beón y La Güelga.

Descripción:
Gulpiyuri ye una de les más singulares y sorprendentes sableres asturianes, al ser un espaciu zarráu a la mar, cola que se comunica al través d'una caverna. Ye una playa interior, dende la que nun se ve la mar. Trátase d'una depresión interior, alloñada unos 100 metros de la llinia costera. Como enclave d'altu interés, el Gobiernu del Principáu declaró Gulpiyuri Monumentu Ñatural. Forma parte de la Rede d'Espacios Ñaturales Protexíos d'Asturies y del Paisaxe Protexíu de la Costa Oriental. Gulpiyuri ye un pequeñu arenal semicircular, formáu na so mayor parte por sables cuarzosos. Ye una dolina inundada, inmersa nuna plataforma cárstica y aisllada de la superficie de la mar abierta; un espaciu de gran singularidá xeolóxica y paisaxística, que s'inunda nes pleamares vives, lo que-y da a esta sablera l'apariencia d'una piscina salada.

Característiques:
• Ocupación: Baxa. • Llonxitú aprosimada: 60 metros.
• Accesos: A pie. • Servicios: Nengún.
• Aparcamientu: Non. • Socorrismu: Non.
• Material: Sable. • Color: Blanquecín.
• Forma: Semicircular. • Desembocadura fluvial: Nenguna.
• Entornu: Rural / agrícola. • Tipu de sablera: Agües tranquiles.
• Peligrosidá: Baxa. • Atractivos: Paisaxísticos y recreativos.

Accesos:
La opción más cómoda ye dexar el coche en Naves y cruciar la ponte sol que discurre l'autovía del Cantábricu pa depués atravesar los praos per un camín que, cabe unos 600 metros, llega a Gulpiyuri. Un itinerariu alternativu, con más alicientes paisaxísticos, entama na playa Beón -onde se dexa'l coche-, pa xubir pela so marxe occidental a la parte cimera de los castros, onde esiste una sienda. D'ehí p'allantre, síguese'l borde de la rasa hasta superar la punta Trescucia y allegar a un cuetu calcareu que destaca sol suave entornu de praderíes; unos 100 metros hacia l'interior de los castros ábrese, sorprendentemente, Gulpiyuri.
ver semeyes de gulpiyuri