|
|
|
| |
Opinión
|
|
ORIENTALIA
Ramón Díaz
(Selección d'artículos espublizaos nel diariu La Nueva España)
|
|
|
| |
La sardana de Dolores (05-04-2012)
| |
Sorrayaba ayeri l'alcaldesa de Llanes, la socialista Dolores Álvarez, que ya nun sabe qué facer p'algamar alcuerdos sobre urbanismu con Foro y PP, y que namas-y falta "baillar una sardana con ellos". De xuru qu'enantes del 25 de marzu la rexidora hobiere bailláu una sardana (o un xiringüelu de Naves, por ser más autóctonu y marchosu) con Marián García y Juan Duyos, porque cola derecha nel poder el Plan Xeneral de Llanes tenía un futuru inciertu. Pero, ¿quién ye'l guapu qu'apuesta agora por un gobiernu conservador n'Asturies? Porque, dende fuera, paez que al PP lo que menos-y interesa ye da-y aire al partíu que-y robara "un trozo de su vida", que diría Perales. Un partí que na oposición, sin el poder que da'l poder, lo mesmo se diluye como un zuquirín. Si'l PP allega a esta conclusión, gobernará el PSOE con IU. Y entós ya fará falta sardana. Anque si a Álvarez, García y Duyos-yos apetez lo del xiringüelu... tán invitaos a facelo na fiesta de Santana, en Naves, el 26 de xunetu.
| |
|
|
|
